- Xehetasunak
Azken dekretuaren arabera goizeko 1:30ean itxi beharko dira tabernak eta terrazak 2:00etan. Gazte lokalak itxita egongo dira
Udal arduradunak herriko ostalarien ordezkariekin duten asteroko hitzorduan bildu dira berriro, herriko egoeraren eta Covid-19ren ondorioz hartu beharreko babes neurrien jarraipena egiteko.
Eusko Jaurlaritzak aste honetan bertan argitaratu duen dekretu berriak ostalaritzako, jatetxeetako, txokoetako eta elkarte gastronomikoetako establezimenduak eta zerbitzuak hartzen ditu barne, eta gaueko aisialdiko neurriak murriztu ditu; beraz, egoera berri honetara egokitu dira udalerriko tabernak.
Aforoak eta segurtasun-distantziak
Mahaien edo, hala badagokio, mahai-multzoen artean 1,5 metroko distantzia fisikoa ziurtatuko da. 1,5 metroko distantzia hori mahaietatik edo mahai-taldeetatik hurbilen dauden pertsonen artean neurtuko da. Gehieneko okupazioa 10 pertsonakoa izango da mahai edo mahai-multzo bakoitzeko.
Barran sartu eta zerbitzatu ahal izango da, bezeroen edo bezero-taldeen artean 1,5 metroko distantzia fisikoarekin, bai establezimenduaren barruko mahaietan, bai barran, bai establezimendu horien kanpoaldean. Aforoa %60ra mugatuko da.
Maskara erabiltzea derrigorrezkoa da establezimenduan jateko edo edateko kentzea posible izanik.
Ordutegiak
Ostalaritzako, jatetxeetako, txokoetako eta elkarte gastronomikoetako establezimendu eta zerbitzuak 01:30ak baino lehen itxi beharko dira, eta ezin izango da bezerorik sartu, ezta ordu horretatik aurrera kontsumiziorik egin ere. Gehienez ere, hogeita hamar minutuko huste-aldia egongo da; beraz, 02:00etatik aurrera lokala itxita egongo da eta ezingo da berriz ireki 06: 00ak baino lehen.
00:00etatik aurrera 2:00ak arte, lokalen kanpoaldeko kontsumoa terrazetarako mugatutako eta baimendutako espazioan soilik egingo da, mahaietan eserita eta aurreikusitako edukierak beteta; beraz, establezimenduko produktuak edo edariak ezin izango dira kontsumitu terrazaren eremu mugatzailetik kanpo. Neurri horiek asteko egun guztietan aplikatzen dira, jaiegunak barne.
Gazteen lokalak
Herriko gazte-lokalak itxita egongo dira, sorkuntza artistikorako gazteei Udalak lagatako entsegu-lokalak bezala.
- Xehetasunak
Osasun agintariek emandako aginduaren aurrean, Udal arduradunek udalekuak bertan behera uzteko erabakia hartu dute
Azken aste honetan covid-19ak eragindako kutsatu kopuruen gorakadak eraginda, Osakidetzako osasun agintariek udalek antolatutako Udalekuak bertan behera uzteko agindua zabaldu dute. Birusaren berragertzeak gaixotasuna zabaltzeko arriskua areagotu du eta pertsona ahulenak babesteko hartutako erabakia izan da.
Honela bada, bihar uztailak 20, Udalak antolatutako udalekuen hirugarren txanda hastekoa bazen ere, ez da honela izango eta amaitutzat eman dira aurtengo udalekuak.
Bihartik aurrera eta argibide gehiago emateko, udalekuetako antolatzaileak hirugarren txandan parte hartu behar zuten haurren guraso edo tutoreekin jarriko dira harremanetan.
Familien Kontziliazioan laguntzeko udal ekimena
2020ko udalekuen antolaketak aurretik egin den elkarlan batean du bere jatorria. Beasaingo guraso zein haur eta gaztetxoei zuzendutako ekimenak modu bateratuan antolatu eta bultzatzeko, Udalak Alkartasuna Lizeoa, Andramendi Ikastola, La Salle ikastetxea eta Murumendi eskolako Haur eta Lehen Hezkuntzako guraso elkarteekin hasi zuen elkarlana duela urtebete.
Lankidetza horretatik eratorri da udaleku irekiak antolatzeko egitasmoa behar zehatz bati erantzunez; covid 19ak eragindako salbuespeneko egoera honetan, eskola ikasturtea amaituta opor garaian kontziliazioan lagunduko duen udaleku zerbitzua eskaintzea.
Udala eta guraso elkarteen arteko harremana, epe luzera begira hasitako elkarlana izan da eta helburua herriko ikastetxeetako hezkuntza-komunitateak elkartzea, behar komunak aztertzea eta horiei erantzuna ematen saiatzea da. Udalak hori guztia babestu eta bideragarria egiten lagunduko du.
Txilibutxof Aisialdi taldearekin Udalak duen elkarlanari esker Urbieta etxeko aretoa utzi zaio beraien funtzionamendurako eta antolaketarako. Oraingo egitasmoa udalekuak antolatzea izan bada ere, aurrera begira euskara eta aisialdia uztartuz Txilubutxofen dinamika indartzea aprobetxatuz elkarlanerako aukerak aztertzen jarraituko dituzte bi aldeek.
- Xehetasunak
Uztailaren 6tik 20ra ia 100 haurrek hartuko dute parte bigarren hamabostaldi honetan eta orain arte bezala babes neurriak errespetatuko dira
Guztira ehun haur inguruk hasi dute Udalak herriko ikastetxeetako guraso elkarteekin eta Txilibutxof aisialdiko taldearekin elkarlanean antolatzen dituen udaleku irekietako bigarren txanda. Haur asko dira bigarren hamabostaldi honetan errepikatzen dutenak, gustora izan direnaren seinale. Txanda honetan, Haur Hezkuntzako haurrak Murumendi Eskolan elkartuko dira eta Lehen Hezkuntzakoak aldiz Alkartasuna Lizeoan.
Haseran adierazi bezala, babes eta segurtasun neurriak betez burutuko dira udalekuetako ekimen guztiak; hori horrela, haurrei tenperatu hartu, instalazioetako higienea eta garbitasuna indartu, maskarak erabili eta aldian aldiko eskuak garbitzea izango dira udalekuetan beteko diren eginkizun nagusiak. Baldintza hauek haur zein begiraleek errespetatzen dituzte.
Beste neurrien artean ere aipatu taldeak osatzeko kopuruak murritzak izango direla eta begirale ratioa ere lehen txandan bezala mantenduko dela.
Familien Kontziliazioan laguntzeko udal ekimena
Beasaingo guraso zein haur eta gaztetxoei zuzendutako ekimenak modu bateratuan antolatu eta bultzatzeko, Udalak Alkartasuna Lizeoa, Andramendi Ikastola, La Salle ikastetxea eta Murumendi eskolako Haur eta Lehen Hezkuntzako guraso elkarteekin hasi zuen elkarlana duela urtebete.
Lankidetza horretatik eratorri da udaleku irekiak antolatzeko egitasmoa behar zehatz bati erantzunez; covid 19ak eragindako salbuespeneko egoera honetan, eskola ikasturtea amaituta opor garaian kontziliazioan lagunduko duen udaleku zerbitzua eskaintzea.
Udala eta guraso elkarteen arteko harremana, epe luzera begira hasitako elkarlana izan da eta helburua herriko ikastetxeetako hezkuntza-komunitateak elkartzea, behar komunak aztertzea eta horiei erantzuna ematen saiatzea da. Udalak hori guztia babestu eta bideragarria egiten lagunduko du.
Txilibutxof Aisialdi taldearekin Udalak duen elkarlanari esker Urbieta etxeko aretoa utzi zaio beraien funtzionamendurako eta antolaketarako. Oraingo egitasmoa udalekuak antolatzea izan bada ere, aurrera begira euskara eta aisialdia uztartuz Txilubutxofen dinamika indartzea aprobetxatuz elkarlanerako aukerak aztertzen jarraituko dituzte bi aldeek.
- Xehetasunak
Igartza Musika “on line” Programaren barruan eskainiko du kontzertua kantari oreretarrak, publikoarentzako sarrera mugatua izango da eta Goierri telebistaren bidez Beasaingo Udalaren youtube kanaletik zuzenean ikusi ahal izango da
Covid 19ak eragindako alarma egoerak baldintzatuta, ikuskizun berri bat eskainiko du Beasaingo Udalak Igartzako jauregian. Igartza Musika Programaren baitan eta on line (internet bidez), ostiralean, ekainaren 19an Mikel Markezek "Biribilean" bere azken lana aurkeztuko du gaueko 22:00tatik aurrera Igartzako jauregian.
Publikoari ateak irekiko zaizkio baina kontzertua doakoa izan arren, egungo egoerak eskatzen dituen neurrietara egokituz segurtasun neurriak mantendu ahal izateko, edukiera mugatua izango da. Aldez aurretik sarrerak eskuratu ahal izateko eskaera egin beharko da esteka honetan
Goierri Telebistaren laguntzarekin kontzertua zuzenean ikusi ahal izango da Beasaingo Udalaren YouTube kanalaren bidez.
Informazioa udal agendan
