Ertzaintzarekin koordinatuta, udaltzaingoak udalerriko irteera eta sarrerak zainduko ditu

Horretaz gain, jende pilaketak, ostalaritzako ordutegia, maskararen erabilera bezalako neurriak betetzen direla ere zainduko da

Beasain perimetralki konfinatua aurkitzen da iada. Eusko Jaurlaritzaren Osasun publikoaren zuzendaritzak emandako ebazpenaren arabera, Covid-19agatik kasu positiboen inzidentzia tasa metatua 500 baino gehiago den herrietan konfinamendu perimetrala ezartzen denez, udalerritik irten edo sartzeko muga ezarrita dago. Beasainen kasu positiboen intzidentzia metatua 698,95 da gaur.  

Ondorioz eta datu hori 500dik jaitsi arte ezin izango da udalerritik irten edo sartu. Leire Artola alkateak adierazi bezala, kutsatze tasa hori jaistea guztion ardura da eta norberaren erantzukizuna da arauak betetzea. Bakoitzaren osasuna eta ondokoena dago jokoan. Halaber, osasun krisi honek eraginda, kaltetuen izaten ari den ostalaritza sektoreak bizi duen momentua kontutan izan behar genuke egoera aldatzen saiatzeko. 

Osasun publikoarekin harremanean, helburu hori lortzeko neurriak betearazteko eginkizuna hartu du Udalak. Horretarako udaltzaingoak zaintza lana areagotu du udalerrian eta honen sarrera eta irteeretan. Ertzaintza eta ondoko herrietako udaltzaingoarekin elkarlanean koordinatu da horretarako. 

Oinarrizko neurrien betetzea

Esan bezala egoera honi aurre egin eta Covid-19aren hedapenaren aurkako neurriak betetzea ezinbestekoa da. Ezarri berri dena udalerritik irten eta sartzeko debekua. Osasun publikoak argitaratutako pdf dokumentuan (203 KB) ohiko zalantza eta galderen erantzunak daude eta salbuespenetarako erantzunkizunpeko adierazpenaren eredua eskuratu daiteke lekuz aldatzeko arrazoia adierazteko. 

Alerta gorrian eta inzidentzia tasa 500dik gora dagoen bitartean, Beasainen ezarrita dauden murrizketak bete beharko dira. 

Leire Artola alkateak adierazi duenez, Osasun Publikoarekin elkarlanean jarraituz beraiekin adostutako neurriak indartuko dira kutsatzearen hedapena eteteko 

Espero bazen ere albistea ez da batere ona izan. Beasainen Covid 19aren ondorioz kutsatutakoen tasa kopurua igo egin da berriz ere eta gaurko datuek 763 kasuko inzidentzia metatua utzi du Beasain eremu gorrian mantenduz. Eguberriak utzitako ondorioa izan da. Familia eta lagunarteko bilkurek eraginda, positibo kasu berrien kopuruak gora egin du eta honek joera hori eteteko neurriak gogortzea ekarri du. Horren ondorio izan da LABIko aholku batzordeak hartu duen erabakia, beraz eremu gorrian dauden udalerriei konfinamendu perimetrala ezarriko zaie, Beasain barne.   

Honen aurrean, Leire Artola Beasaingo alkateak indarrean dauden debekuak betearazteko neurriak indartuko direla aurreratu du. Osasun Publikoarekin etengabeko harremanean, elkarlanean jarraitzen du Beasaingo Udalak eta beraiekin adostutako neurriak bete daitezen lan egingo du, azken emaitzak behartuta, aholkuak ematea baino debekuak zorrotz betearaztea beharrezkoa da eta. 

Horren harira, aipatu jende pilaketak (6 pertsona baino gehiagoko bilkurak), ostalaritzari ezarritako ordutegi eta salmenta murrizketak eta babes eta osasun neurriak direla ezinbestean bete behar diren arau garrantzitsuenetarikoak.

Udaltzaingoaren presentzia

Arau eta debeku horiek bete daitezen lan egiten jarraituko du Beasaingo Udaltzaingoak. Urtarrilaren 1az geroztik igande eta jai egunetan zerbitzua eskaintzen hasi da eta honekin batera bere presentzia kalean indartu da urteko 365 egunetan. Udal gobernuak honela legealdi hasieran hartutako konpromisoa bete du. Herritarrei eskaintzen zaien zerbitzua zabaltzeaz gain, aipatutako debekuak eta neurriak betearazteko eginkinzunean jardungo da udaltzaingoa.  

Herritarren erantzunkizuna 

Zuhurtziaz eta arduraz jokatzeko deialdia egin nahi izan du Leire Artolak. “Pandemia honen erredikazioak ahalegin handia eskatzen digu. Beasaindarren laguntza eskatzen dugu, arriskua gutxitzeko eta gure osasuna eta gainerako bizilagunena babesteko erantzukizunez jokatzen jarraitzeko”. Alkateak gaineratu duenez, “komeni da gogoraraztea ostalaritzaren sektorea ari dela gehien pairatzen Covid-19aren ondorioak eta horiek ere gogoan izan behar dira arduratsu jokatuz beraien egoera ere hobetu dezakegulako”. 

Bertako egoiliarrekin batera langileak izan dira txertoa jarri dutenak  

Iritsi da Beasainera Covid 19aren aurkako txertoa jartzeko unea eta lehenak Arangoiti adinekoen egoitzako erabiltzaileak eta langilegoa izan dira. Goizeko hamarretan hasi dira txertoa jartzen eta bi ordu terdiko denboran 67 egoiliarrek eta 38 langilek jaso dute txertoa.

Nolanahi ere, langile guztiei ez diete egun berean txertoa jarriko. Segurtasun arrazoiengatik, lehenak gaurko lan-txandan daudenak izan dira eta ondoren jarriko zaie gainontzekoei ospitalean; gutxigorabehera hamar egun barru izango dira deituak. 

Lehen dosiaren txanda gaur urtarrilaren 7an izan bada, bigarrena hilaren 28an jarriko da. Gaurko txertaketa normaltasun osoz joan da. 

Adinekoak eta ahulenak babestea

Agintarientzat, Arangoiti adineko pertsonen egoitza birusaren eraginetik salbu mantentzearren egin diren ahaleginak lehentasuna izan dira pandemia hasi zenetik. Beasainen birusak gogorren kolpatu dituenak osasunez ahul zeuden adineko egoiliarrak izan dira. Hori horrela, gaitzaren eraginetik babesteko premiaren ondorioa da txertaketa eta eginkizun horretan jarri da begia. Une honetan Beasaingo Arangoiti egoitzan ez dago kutsaturik.   

Txertaketa Arangoitin 6Txertaketa Arangoitin 2

Txertaketa Arangoitin 7Txertaketa Arangoitin 3

Aurtengo azaroaren 25eko aldarrikapenean, Covid 19ak eragindako krisi egoeraren baldintzapean, indarkeria matxista jasaten duten emakumeen egoera ahula nabarmendu du

Beasaingo Udalak herriko Asmube eta Oriako lamiak emakume elkarte eta talde feministarekin antolatutako egitaraua aurkeztu du

Azaroaren 25a, emakumeeganako indarkeria matxisten aurkako nazioarteko egunaren inguruan, Beasaingo Udalak herriko emakume elkarte eta talde feministarekin bat egin du aurtengo aldarrikapenean. 

Udal gobernua eta udala osatzen duten gainontzeko alderdien iritziz, urtero egiten den gogoetaz gain, bizi dugun pandemiak sortutako egoeran, arreta berezia jarri behar da beren etxeetan, lanetan eta bizi-espazioetan bizirik irauteagatik indarkeriari aurre egiten ari diren emakume eta neskengan. Gizartearen aitorpen eta elkartasun osoa merezi dute eta bizi duten isolamendua, babesgabetasuna eta ikusezintasuna saihesteko baldintza egokiak sortzen jarraitu behar dute instituzioek.

Hartara, Udalak bere erantzunkizunaren ardura hartuta, erakunde, kolektibo feminista eta emakumeen elkarte eta gizarteko eragile guztiekin lankidetzan eta era koordinatuan lan egiteko konpromisoari eusten dio. Indarkeria mota honi aurre egin eta prebentzioari laguntzeko beharrezkoak diren ekimenak bultzatuz eta indarkeria matxistaren biktimei laguntzeko dauden zerbitzuak indartu eta hauen berri ematen jarraituz. 

Asmube (Beasaingo Emakumeen Elkartea) eta Oriako lamiak elkarteen gidaritzapean, Beasaingo Udalak bere eskumenen esparruan, tokiko eragile hauekin lankidetzan eta modu koordinatuan, udal zerbitzu eta baliabideak beharrezkoak diren ekimen guztiak abian jartzeko konpromisoa mantenduko du.

Lankidetza horren ondorioz, aurtengo azaroaren 25a ospatzeko antolatu den egitaraua izan da.  

Azaroaren 25aren inguruko egitaraua

Azaroak 19tik 29ra: Fatiha Hajji Baba erakusketa Igartzan. Asmube elkarteak antolatuta

Azaroak 25ean: 12etan Elkarretaratzea eta biktimei omenaldia. pdf Adierazpen instituzionalaren (136 KB) irakurketa. Erauskin plazan, indarkeria matxistaren aurkako hari matazak kokatutako egongo dira. Osasunerako segurtasun eta babes neurriak betez. 

Azaroak 26an: "Misión Insumisión"  Grupo Las Chirlas Clown antzezlana (gonbidapen bidez). Igartzan 18:00

Azaroak 28 eta 29an: “Zauriak” dokumentala Beasaingo Udaleko webgunean.

Azaroak 30: 18:00tan HerriLab testuinguruan, “Ahots parareloak”, mahai ingurua, pandemia eta zaintza gaia jorratuz (on-line) Udaleko webgunean

Abenduak 4ra arte: "Goierrin indarkeri matxistaik ez!" sormen lehiaketa.

Lehiaketa honen inguruko informazioa

Indarkeria matxistaren aurkako telefonoak eta Udalak eskeintzen dituen zerbitzuak 

Azaroak 25 Beasain KARTELA

hari matazak Erauskin 1hari matazak Erauskin 1