Badatoz 2026ko Antzizar kiroldegiko udalekuak

Izen-ematea maiatzaren 11tik 17ra egingo da online, adinaren arabera banatutako 202 plazetako bat lortzeko

Plazak esleitzeko zozketa egingo da eta onartuek ekainaren 5a baino lehen ordaindu beharko dute lekua ziurtatzeko

Antzizar Kiroldegiak prest du aurtengo udako kirol eta aisialdi eskaintza. Guztira lau programa ezberdin antolatu dira, haur eta gazteen jaiotze urtearen arabera egokituak, ekainaren 22tik uztailaren 17ra bitartean bi hamabostalditan banatuta. 

Udalekuen xehetasunak

Udalekuak osotasunean euskaraz emango dira. Datak eta taldeak honako hauek dira:

• 1. hamabostaldia: Ekainak 22 – Uztailak 3.
• 2. hamabostaldia: Uztailak 6 – Uztailak 17.

Taldeak eta jarduerak

• Kolonia Txiki (2021-2022): Igeriketa, psikomotrizitatea eta jolasak.
• Kirol Udalekuak (2018-2020): Igeriketa festa, kirol jolasak eta kirol alternatiboak.
• Kirol Festa (2011-2017): Tenisa, kirol alternatiboak eta igeriketa festa.
• Kirol Abentura (2011-2017): Eskalada, arku tiroketa eta monozikloa.

Hamabostaldi bakoitzeko 202 plaza eskainiko dira guztira. Zerbitzua borobiltzeko, gurasoek zaintza eta jangela aukera ere izango dute.

Izen-emateko prozedura eta onarpen baldintzak

Interesatuek urrats hauek jarraitu behar dituzte parte hartu ahal izateko:

1. Online Eskaria: Izen-ematea maiatzaren 11tik 17ra bitartean egin behar da www.antzizar.eus webgunean.
2. Plaza lortzea: Eskaera kopuruak plaza eskaintza gainditzen badu, zozketa egingo da maiatzaren 22an berdintasun printzipioa bermatzeko.
3. Jakinarazpena: Maiatzaren 26an, SMS bidez jakinaraziko zaie familiei onartuak izan diren edo ez.
4. Ordainketa eta Baliozkotzea: Plaza lortzen dutenek ekainaren 5a baino lehen ordaindu beharko dute. Epe horretan ordaintzen ez dutenek plaza galduko dute eta itxaron zerrendako hurrengoari pasako zaio lekua.
5. Zerrenda Definitiboak: Ekainaren 15ean argitaratuko dira behin betiko taldeak kiroldegian.

Beharrizan bereziak dituzten haurrek ere parte hartu dezakete, betiere taldean jarduteko gaitasuna badute, nahiz eta programak ez duen banakako begirale laguntzailerik eskaintzen.