Tori! Aliantza
2024an sorturiko aliantza estrategikoa da, Beasaingo Udala, BasqueCCAM, NORMO, TXITA eta Bareak Elkarteak osatua.
Bi dira helburu nagusiak:
- Egungo azken miliako banaketaren optimizaziorako testak martxan jartzea, gure hirietako ingurumena zein bide segurtasun baldintzak hobetzeko teknologia berrien bitartez.
- Beasaingo merkataritzari etxez-etxeko eta bizikleta bidezko banaketa berri bat eskaintzea, online plataforma handiekin lehiatu dezaten CO2 gramo bakar bat ere isuri gabe.
Eginkizunak
- BasqueCCAM: bide-azpiegitura digitalaren kudeaketa eta banaketa sistema ereduaren baliozkotasuna aztertzea, eskalatu eta beste udalerri batzuetan errepikatzeko.
- NORMO: takila adimendunen eta aplikazioaren garapena, zein kudeaketa.
- TXITA: bizikleta bidezko banaketa sistema jasangarria.
- Bareak Elkartea: inpaktu sozial eta ekonomikoaren baliozkotzea.
Beasaingo Udala: proiektuaren sustapena, parte-hartzea eta hedapena.
