«Nola elkar zaindu nahi dugu Beasainen?» egitasmoak lehen lan-bilerara deitzen ditu beasaindar guztiak.

Lehen saio honetan, parte-hartzaileek zaintza mahai osatzeaz gain, zaintzaren inguruko ikuspegi ezberdinak partekatuko dituzte, eta guztion artean eredu berria bideratuko duten balio zein printzipio nagusiak finkatuz.

«Nola elkar zaindu nahi dugu Beasainen?» izenburupean, etorkizunean zaintzaren gaiari heldu nahi zaio herri ikuspegitik. Zaintzaren erronkak gure gizartearen ardatz nagusietako bat bilakatu dira, eta Beasainek ez du atzean geratu nahi. Herriak dituen berezitasunetatik eta bere izaera propiotik abiatuta, zaintza herritar guztien eskubide bilakatzeko konpromisoa hartu du Udalak.