Europako Mugikortasun Astearen harira, Aldundiak abian jarritako 'Jarri prest zure bizikleta MUGIrekin' furgoneta-lantegia Beasaingo Erauskin plazan egongo da herritarren zerbitzura. Bertan, MUGI txartela aurkezten duten guztiei beren bizikleten oinarrizko mantentze-lanak eta doitzeak egingo zaizkie doan. Horrez gain, Gipuzkoako Garraioaren Lurralde Agintaritzak MUGI txartela eskatzeko laguntza eskainiko du bertan. Berritasun nagusia aurten 'Misterioa Topo Express-ean' scape room-a da. Jolasaren bidez, parte-hartzaileek garraio publikoaren eta MUGI sistemaren balioak ezagutuko dituzte. Jokoa amaitzen dutenek eta Furgoneta-lantegira hurbiltzen direnek bi bizikletaren zozketan nahiz MUGI txartelean 20 euroko 60 karga eskuratzeko aukeran parte hartuko dute.