«Nola elkar zaindu nahi dugu Beasainen?» izenburupean, etorkizunean zaintzaren gaiari heldu nahi zaio herri ikuspegitik. Zaintzaren erronkak gure gizartearen ardatz nagusietako bat bilakatu dira, eta Beasainek ez du atzean geratu nahi. Herriak dituen berezitasunetatik eta bere izaera propiotik abiatuta, zaintza herritar guztien eskubide bilakatzeko konpromisoa hartu du Udalak. Helburu horrekin, Beasaingo Zaintza Ekosistema sortzeko prozesu parte-hartzailea aurkeztuko da.