Beasaingo Udalak, Txindoki Atletismo Klubarekin duen hitzarmenaren baitan eta Jose Antonio Peña Ordizia Meeting-aren babesle gisa, mahainguru berezi hau antolatu du nazioarteko proba handiaren atari gisa. Ekitaldian euskal atletismoko lau emakume erreferentziazkok hartuko dute parte: Amaia Andrés korrikalari olinpiko ohiak , Naroa Agirre pertika-jauziko txapeldunak, Itziar Ferran hesilari ohi eta adituak eta Sara Villasante egungo distantzia luzeetako korrikalariak. Hizlariek emakumeak kirolaren esparru desberdinetan (elitean, kudeaketan, hezkuntzan eta oinarrian) duen lekua eta etorkizuneko erronkak aztertu eta eztabaidatuko dituzte.