XABIER TOLEDO JAINAGA
Kaixo irakurzaleok! Xabier Toledo Jainaga naiz eta 13 urte ditut. Oianguren institutuan ikasten dut eta Legorretan bizi naiz. Pilotan jokatzen dut eta bertsozalea naiz, LH5 inguruan ezagutu nituen sakonean bertsoak. Gustuko ditut, zeren ikaragarria iruditzen zait bertsolari batek nola sor dezakeen errimadun bertso bat, edozein gairen inguruan eta bat-batean jendaurrean. Miresmen horretatik ni ere errimen munduan murgiltzen hasia naiz. Gehienbat umoredunak gustatzen zaizkit. Bertsoa idazteko orduan, inspirazio iturria pilotatik eta gaur egungo albisteetatik etorri zait.
PILOTAKADEK BATZEN GAITUZTE
Doinua: Kantatzera nijoa
Ni txikitatik nabil
pilotaz gozatzen.
Mundu osora ari da
pilota zabaltzen.
Azken hilabetetan
dabil gu alaitzen.
Euskal Selekzioa
bagoaz osatzen.
Trump ere pilotari,
jaisteko kalori
pilotakada ederra
jo dio Madurori.
Orain elurra ere
daukagu galzori
Groenlandiak dena
jarri du sargori.
Trenbidean izan da
ezker zehar zitala,
familia, lagun asko
egoera mortala.
Agintariek dute
partida pattala,
gure segurtasuna
da elementala.
Pantailek hartu dute
garrantzi handia,
baina garunerako
horra tentaldia:
Instagram, Facebook, Tiktok
itsu gaztedia,
frontoiak betetzea
hori bai ausardia!
