DUNA URTEAGA JAUREGI
MOLDEZ KANPOKO GORPUTZEI
Eskema baten barruan
sartu behar dela dana,
gure buruak moldatzen
hortxe daukagula lana,
nahi dute gizarterako
kontrolpeko panorama,
patriarkatuk mantendu
dezan egun duen zama,
pentsamenduk errotzea
da beraiek duten plana,
ezberdin garen guztioi
jarri digute diana,
jaiotzean definitu
nahi zigutenek izana
Naiz jarri haur txiki hura
estereotipoz beteta,
laister ere egin zuen
askatasun ezak neka,
asko egon izan dira
haien izana gordeta,
inguruaren babesa
urrun izan dute eta,
naiz sarri ez den izaten
gaiarekiko hizketa,
norbera ezagutzea
bizitzan da ikasketa,
moldeak apurtuz egin
behar dugu ausnarketa
Ezarri nahi dituztenez
haiek hainbat arautegi,
geldiarazteko izan
behar hainbat artilleri,
naiz ur oso bortitzetan
egin behar den igeri,
eta jasan behar diren
sarri hainbat ankerkeri.
Benetazkoa ez dela
da soilik haien alegi,
nola iritz dakieke
anker denai askon egi,
sentipenak askatzea
orain ez al da
Badira interesatzen
zaizkien hainbat elkarte,
batzuen botere hura
zalantzan jartzen den arte,
Munduak jasanak ditu
jadanik hainbat aldarte,
baina oraindikan ez da
izan gure den pasarte.
Borrokarako berhartu
behar dira hainbat tarte,
ez dut nahi izan proiektu
zapaltzaile honen parte,
baztertzaile bada inoiz
ez da izango gizarte
Aspergarria ez al da
denok berdin izatea,
aberatsgarriagoa
denez dibertsitatea,
nolatan da onartezin
transeksualitatea,
mundua izan beharko
litzekenean askea,
bere askatasuenan
ez du kaltetzen bestea,
moldeak sendotuz berriz
ergiten da katea,
norbait bere gorputzean
deseroso egotea
Ezin onarpena eman
jarri diguten ziegari,
beraz ekin barroteak
betiko apurtzeari.
Eutsi diezaiokegu
mundu utopikoari,
oraindik bagarelako
denok batera gizadi,
sarea eraiki behar
elkar lotuz mila hari,
trasfeminismotik ekin
balore aldaketari,
lekua utz diezaiogun
gorputzen askapenari.
Doinua: ETAren su etenetik
