LEA GALPARSORO ELIAS
NERABEZAROAREN GAZI-GEZAK
Nire gela ta nere bizitza
biak desordenatuta
gurasoen begiradetatik
guztiz deskonektatuta
dortoka txiki baten antzera
barruraka uzkurtuta
nerabezaroaren bidean
norantza gabe galduta
Kobazuloaren bukaeran
beti hor dago argia
bide honetan babesten nauen
lagunen sare handia
pertsona txarrak beti hor daude
hori da gaurko egia
lagun txarra desertua degu
ona, aldiz, oparia
Snapchaten ta Instagramean
ondo agertzeko grina
irrifartxo faltsuen atzean
gordeta dago samina
gorputz eta bizi perfektura
denok iritsi ezina
errealitate ta pantaila
ez da batere berdina
Txikitan desiratzen nengoen
nerabera iristea
mutil laguna eduki eta
lehen musua ematea
lagunekin egunez ta gauez
festaz festa joatea
bertso guzti hauek eta gero:
“Hobe ume izatea”
Doinua: Zazpi ahizparen gai den oihala
