ELENE GONZALEZ ARANBURU
Nire izena Elene da. Beasainen bizi naiz eta 14 urte ditut. Nire denbora librean, kirola egitea eta lagunekin egotea gogoko dut. Sari onek ilusio handia egin dit eta idazteko animo handia ematen dit.
NIRE SUSTRAIAK: AITONA ETA AMONA
Mendi gailurretik datorren haize leunak
nire hostoak ditu ferekatzen,
nire enborra laztantzen,
baina nire sustraiek zuen lurrari ondo diote eusten.
Urteak zuen aurpegian marraztuak,
denboraren eskutik doazen izpiak,
zuen begiak, iraganaren lehioak,
zuen hitzak, etorkizunaren ateak.
Esku zimurrek gaituzte laztantzen,
haurtzaroko munduak berpizten,
oraina elkarrekin gozatzen,
etorkizuna jorratzen.
Ametsek zuen doinua daramate,
gure pausoek zuen urratsak dituzte,
zuen segurtasunaren seinale
lasaitasunaren birtute.
Aitona-amona, zuen bizitzaren jarraipen gu,
zaintzen gaituzue, itsaso, zeru eta lur
zuen indarrak gure beldurra isiltzen du
zuen jakintasunak gure ziurgabetasuna argitzen du.
Horregatik eskerrak eman nahi dizkizuegu.
Maite zaituztegu
