IZADI FURUNDARENA AGIRRE
AURPEGIA
Doinua: Ari naizela, ari naizela
Azken aldian entzuten dira
zenbait tendentzia berri,
Tik-tok, edo Instagram aurrean
haur ta gazteak eseri,
ikur eta sticker bitxiak
aurpegiari ezarri,
baina orban ikusezinenak
gelditzen dira ageri.
Gai honekin medikuak dira
jende aurrera atera
haur ta gazteen azalarentzat
txarra dela esatera
zaharrak gaztetu nahian dabiltza
hori da duten joera
gazteek berriz imitazioz
hartu dute bide bera.
Marka multinazional pila
arazo honen atzean,
aberasten baitira gazteak
hala manipulatzean,
haiek gustura egoten dira
gu Interneten sartzean,
espabilatu gaitezke edo
gaizki goaz gainontzean.
Irudi perfektuaren bila
dabil egungo gaztea
krema eta Skincare artean
pasa dezake astea,
kosmetikako produktuekin
mahai gaina bete-betea
baina oraindik falta zaiona:
erabiltzen ikastea.
