LAGUNTZA JURIDIKOA
Doako kontsulta juridiko bat da, gai hauetan orientatzeko: banantze prozesua, umeen zaintza, ondarea, ordainezko pentsioa...
Nori zuzendua dago?
- Gipuzkoan bizi eta erroldatuta izanik, genero-indarkeriaren, etxeko indarkeriaren edo eraso sexistaren biktima izan diren emakumeei.
LAGUNTZA PSIKOLOGIKOA
Zerbitzu honen helburua emakumeei laguntzea da, genero-indarkeria edota askatasun sexualaren aurkako egoera bat bizi izanagatik, izan ditzaketen nahasmendu psikologiko larriak gainditzen laguntzeko. Erasoa egin duen gizonari ere eskaintzen zaio laguntza psikologikoa.
Nori zuzendua dago?
- Gipuzkoan bizi eta erroldatuta izanik, tratu txarrak pairatu dituzten emakumeei eta erasoa egin duten (edo egiten duten) gizonei.
LAGUNTZA EKONOMIKOAK
Laguntza ekonomiko hauek, genero-indarkeriaren biktima izanik, nahikoa baliabide ekonomiko ez duten, eta lana topatzeko zailtasunak dituzten emakumeei zuzendua dago. Helburua emakume horiek gutxieneko baliabide batzuk izatea da, eraso- tzailearengandik banandu ahal izateko eta une horretan lan munduan sartzeko dituzten zailtasunei aurre egiteko denbora eta bitartekoak izan ditzaten.
Nori zuzendua dago?
- Euskal Herrian bizi eta erroldatuta izanik, genero-indarkeriaren biktima diren emakumeei, baldin eta hilero jasotzen duten errentarekin lanbide arteko gutxieneko soldataren %75a gainditzen ez badute.
HARRERA BALIABIDEAK
Hiru motakoak dira:
-
Berehalako harrera zerbitzua:
Egonaldi laburreko zerbitzuak dira eta urte guztian daude irekita. Etxean indarkeria pairatu duten emakumeak berehala hartzen dituzte beren premiak baloratzen diren bitartean, gerora baliabide egokira bideratzeko. - Harrera etxeak:
Egonaldi ertain edo luzeko zerbitzuak dira, etxean indarkeria pairatu duten emakumeak babestu eta haiei aldi baterako ostatua emateko eskaerez arduratzen direnak. - Harrera zerbitzuak:
Egonaldi ertain edo luzeko zerbitzuak dira, etxean indarkeria pairatu duten eta osoko esku-hartze espezializatua behar duten emakumeak babestu eta haiei aldi baterako ostatua emateko eskaerez arduratzen direnak.
Nori zuzendua dago?
- Etxean pairatutako indarkeriaren ondorioz, etxebizitzatik joan beharrean aurkitzen diren adin nagusiko emakumeei.
