Orri zurian murgildu eta berriz bizitzen hastea. Horixe da idaztea. Hizki artean hegan egiteko gaitasuna. Pertsonaien azalean sartu, eta inguruko guztia ahaztea edota inguruan dugun hori eraldatzea. Horra hor eskuartean duzuen ipuin honen abiapuntua. Gizarte “koadrikulatu” honen aurreiritzien menpe bizi izan den eta oraindik ere bizi den kolektibo batengana gerturatu naiz, eta irudimena lagun, aurreiritzi faltsuetatik ihes egiteko gonbita egiten dut, poliki-poliki, gugan horrenbeste agintzen duen gizarte zurrun hau eraldatzea lortuko dugunaren esperantzan…
