Doinua: Badira hiru aste

Semea da nik dudan altxorra

eta bizitzeko grina,

nahiz eta errealitateak 

gehienetan eman mina,

etxearen errenta zenbat dan

ezin duzu imajina,

putre-funtsak sartu zirenetik

egoera da gordina

Putreak sartu zaizkigunetik

dana dute garestitu,

30 egun pasa dira

esan zidanetik aittu,

azken hila izango da zutzat

ezin baduzu pagatu,

zure familikoak  berriro

ezingo zarete sartu

Lo egiteko aterperik ez

kale gorrian botata,

semearekin bakarrik nago

beste inor ez daukat ta,

lanetik ere bota nautenez

jada ez daukat soldata,

bizitzan gaizki egindakoak

buru barruan jiraka

Etxe gabe izango ginela

zeinek esango liguke!

Hilabete batean bizitza 

asko aldatu daiteke,

etxebizitza bat izateak 

eskubide behar luke,

baina oinarrizkoena ere 

ukatu egiten dute