Urrian hasiko da berriro Beasaingo irakurle taldea martxan, Aintzane Usandizaga Lopezen gidaritzapean. Oraingoan taldea udal liburutegian elkartuko da, hilean behin, asteazkenetan,18:30etik 20:00etara. Jarduera urritik ekainera egingo da eta ikasturtean zehar bi idazle gonbidatuko ditugu solasaldietara.
Hauek dira abendura bitarteko irakurgaiak eta datak:
- Urriak 25: Lurraz beste / Garazi Arrula Ruiz. -- 1.ed. -- Tafalla : Txalaparta, 2023
- Azaroak 29: Cayo Hueso / Oihane Amantegi ; hitzaurrea, Joseba Sarrionandia. -- Aduna (Gipuzkoa) : Elkar, L.G. 2023
- Abenduak 13: Bihurguneko nasa / Uxue Apaolaza. -- Zarautz [etab.] : Susa, 2022
Helburuak:
- Euskaraz irakurtzeko ohitura indartzea eta zabaltzea
- Genero askotariko euskal literatura ezagutzea
- Euskal sortzaileekin bertatik bertara hitz egiteko eta irakurketak partekatzeko aukera izatea
- Irakurleek modu askean euskal argitalpenez mintzatzeko, galdetzeko eta hausnartzeko espazioa izatea
- Bakarkako irakurketaz gain, komunitatean irakurtzearen abantailak gozatzeko, ikuspegiak, esperientziak, kezkak eta abar partekatuz
- Pentsamendu eta begirada kritikoak sustatzea
Liburuak udal liburutegian eskura izango dituzue saioa baino 2 edo 3 aste lehenago.
Animatu parte hartzera! Eman izena udal liburutegian! Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko./ 943028070
