Urtebetetzea du gaur Carmen Usabiaga Mugikak. 102 urte bete ditu eta Arangoiti adinekoen egoitza dago. Egoera berezi honetan, Beasaingo Udalak beasaindar guztien izenean oparitutako lora ederra jaso du Aitor Aldasoro alkatearen zorion txartelarekin batera. Bertatik bertara ezin zoriondu eta hala beharko du oraingo honetan. Egoitzako langileekin batera ospatuko du bere eguna, izan ere gainontzeko egoiliarrak bezala isolamendu egoeran aurkitzen bait da. Zorionak Carmen!

 

Etxean egotea tokatzen den garai honetan, liburuaren nazioarteko egunean ipuin kontaketa esklusiboa eta konfinamenduan irakurtzeko emakumeei buruzko liburuen proposamenak dakarzki Udalak

Koronabirusak eraginda sortu den itxialdi edo etxealdi honetan kulturak jasan dezaken eragin negatiboari aurre egiteko, Liburuaren Nazioarteko Egunarekin bat eginez Beasaingo Udalak orain arte bezala udal agendan on line ikusi eta entzun ahal izango den ipuin kontakizuna programatu du. Lur Usabiagak ipuin kontaketa saio berezi bat eskeiniko digu, arratsaldeko 17:00etan ikusi ahal izango dena, hain zuzen ere "Mikel Liburujale" ipuina. Ipuin kontakizun hau Beasaingo Udalak esklusiboki estreinatuko du.

Era berean, Udal bibliotekatik gogora ekartzen da, egoera honetan etxeko egonaldian irakurketa errazteko, udal bibliotekako maileguak itzultzeko epeak bertan behera geratzen dira eta liburutegi elektronikoa erabiltzeko aukeraz baliatzera gonbidatuta daudela herritarrak. Bestalde, eliburutegia erabiltzeko aukera eskaini eta gogorarazten zaie herritarrei. www.eliburutegia.euskadi.eus  helbidera joanez gero, bertan liburuak deskargatzeko aukera dago. Eskatzen den erabiltzaile zenbakia eta pasahitza ahaztuz gero, bibliotekako emailetara idatzi: Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. edo Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko..

Bestalde, eta berdintasuna Nazioarteko Liburuaren egunarekin lotuz, konfinamenduan irakurri ahal izateko liburu ezberdinen proposamenak dituzu jarraian, beti ere emakumeak erdigunean jarriz. 

Trikua esnatu da

Egileak: Lorea Agirre Dorronsoro, Idurre Eskisabel Larrañaga

Gaur eta hemen emakume izatea eta euskaldun izatea bazterreko izateko bide dira oraindik. Prestigioaren, pribilegioen eta eskubideen banaketak osatzen duen jendarteko botere sarean jokoan daude euskararen normalizazioa eta genero berdintasuna. Biak dira menderakuntzaren alaba, eta, horregatik, biak dira indibidualki zein kolektiboki ahalduntzeko eta boteretzeko lekuak, zein jendarte berdinzale eta bizigarriago baten alde eragiteko guneak. Gainera, hizkuntza eta generoa gurutzatu egiten direla badakigu, hizkuntza hautuak genero eraikuntzatik igarotzen direla eta alderantziz. Horrenbestez, euskalgintzaren eta feminismoaren arteko gurutzaketa eta aliantzarako bidea arakatzen da liburu honetan. Liburua eskuratzeko sakatu hemen.

Gela bat norberarena

Egilea: Virginia Woolf

Emakumeei eta fikzioari buruz jarduteko eskaera bati jarraiki idatzi zuen Virginia Woolfek  Gela bat norberarena  saiakera. Emakumeen genero-rolak aztertu zituen bertan, idazleak, sortzaileak eta fikzioko pertsonaiak diren aldetik. Emakumeen idazkuntza tradizio patriarkalaren baitan hizpide hartzen duen saiakera hori 1929an argitaratu zen eta manifestu feminista inspiratzailea bihurtu zen berehala. " Fikzioa idatziko badu, emakumeak dirua behar du eta gela bat beretzat ".
Liburua eskuratzeko sakatu hemen.

Archivos cósmicos

Egilea: Flavita Banana

Flavitaren pertsonaiak gure garaiko kronikak dira, baina baita, askotan, edonori bizitzea gustatuko litzaiokeen tokia ere. Bere umorea unibertsala da. Baita kosmikoa ere. Komikiaren zati bat kontsultatzeko, sakatu hemen . 

Marizipriztinek ez du zorioneko galeperrik nahi

Egileak: Miriam Cameros Sierra eta Nunila López Salamero 

Ipuin modernoa, errealista, dibertigarria eta itxaropentsua da, eta hainbat emakumeren egoera erakusten duena; izan ere, egun batean konturatzen zara bizitza ez dela kontatu zizkizuten maitagarrien ipuina, naiz eta sinetsi egin momentu horretan. Testuen ironiak eta bineten adierazkortasunak emakumea arrakasta sozialarekin lotzen duten estereotipoak umorez desmuntatzeko balio dute. Ipuina eskuratzeko, sakatu hemen.

Bazen bitan, Ederra eta Piztia

Egileak: Belen Gaudes y Pablo Macías

Bazen Ederra izeneko neska gazte bat. Oraingo honetan piztiaz maiteminduko ez den Ederra, hain zuzen ere, benetako edertasuna barruan dagoela konturatuko delako.
Ipuina entzun nahi baduzu, sakatu hemen

Egungo egoerak baldintzatuta Mugikortasun Mahaia dinamizatzeko arduradunek galdetegia prestatu dute iritzi bilketarekin jarraitzeko

Beasaingo Udala, gizarte-eragile, entitate pribatu eta bizilagunekin batera Beasaingo Mugikortasun Jasangarrirako Mahaia bultzatzen ari da. Otsaileko aurkezpenaren ondoren bigarren topaketa bat aurreikusita zegoen elkarrekin herriko mugikortasun arazoei buruz hausnartzeko.

Koronabirusarengatik ezarritako konfinamendua dela eta, aipatutako saio presentziala atzeratu egin da eta honen ordez galdetegi digital bat prestatu da. Helburua Beasaingo mugikortasun ohiturak hobeto ezagutzea eta bizilagunen iritzia jasotzea da. Horregatik herritarren, tokiko eragileen eta mugikortasunaren inguruan zeresana duen edonoren iritzia eta laguntza ongi etorria izango da Beasaingo Udalaren webean mugikortasun mahaiaren atalean jarritako galdetegia betez, 5 minutuko lana besterik ez da. Galderak egoera normalarekin daude lotuta, egungo alarma-egoeratik kanpo. Galdetegira helbide honetan klikatuz iritsi daiteke.

Galdetegia 2020ko apirilaren 30ra arte irekita egongo da eta parte hartuko dutenen kolaborazioa eskertua geratzen da. Galdetegia ez da izando tresna bakarra iritzi eta proposamen bilketarekin jarraitzeko. On line bideo-dei bidezko taldeko bilerak zein bakarkako elkarrizketak burutzea aurreikusten da. Era berean irekita jarraitzen dute parte hartzeko orain arteko bideak, hala nola Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko. helbide elektronikoa eta udalaren sare sozialak. 

Positiboen kopurua erdira jaitsi da eta instalazioen desinfekzio-lan zorrotzak mantentzen dira

Osasun-alarma ezarri zenetik eta Arangoiti egoitzak bisitei ateak itxi zituenetik, daturik onenak erregistratu berri dira azken honetan.

Azken testetan bildutako emaitza onek adierazten dute une batez hobera egin duela kutsatutakoen kopuruak. Horrela, egoiliar guztiei egin zaie kutsatuta dauden edo ez jakiteko frogak. Batzuei bi test mota gin zaie; odolekoa eta PCR deiturikoa. Koronabirusaz positibo eman zuten azken egoiliarrei bigarren proba egin ondoren, guztiek emaitza negatiboa eman dute. Beraz, egoiliarren artean hiru positibo baino ez dira geratzen. Beste bi ospitalean daude.

Plantillari dagokionez, langile guztiek, batek izan ezik, negatibo eman dute azken probetan. Kasu positibo bakarrak negatibo eman du PCR testean, beraz, gaixotasuna pasatu duela suposatzen da. Egoitzan zazpi pertsona hil dira orain arte koronobirusaren ondorioz.

Etxez etxeko laguntza eskaintzen zaien pertsonen artean ere ez dago oraingoz eta dakigunik, positiborik. Adinekoak babesteko hartutako neurriak funtzionatzen ari dira antza denez. Horregatik, Arangoiti kudeatzen ari direnei eskerrak eman behar zaie eta berdin herritarrei beraien malgutasun, borondate eta seriotasunagatik ezarritako arauak betetzeagatik. 

Desinfekzioa lau egunetik behin

Bestalde, segurtasun eta higieneko prebentzio-neurriekin jarraituz, bihar, igandea, hilak 19, 23:00etan, suhiltzaileak zazpigarren aldiz itzuliko dira konfinamendu-aldi honetan zehar Arangoiti egoitzako instalazioak desinfektatzera. Desinfekzio-lana suhiltzaileek eurek antolatzen zuten, astean behin eginez, baina Udalak hala eskatuta, lehentasunez desinfekzio-lana lau egunez behin egitera pasa ziren.