Beasaingo Arangoiti adinekoen egoitzan koronabirusaz kutsatzeagatik bigarren heriotza gertatu da. Joan den astean egoitzan kutsatu ziren lehenengo bi kasuetako bat izan zen lehen hildakoa. Gaur berriz, Arangoitin isolamendu egoeran zegoen gaixotuetako bat izan da.
Guztira eta gaur arte, Arangoiti egoitzan 8 egoiliar kutsatu dira. Bestalde hiru langile ere kutsatuta daude eta isolamenduan daude.
Osasun alerta eta alarma egoerak dirauen artean egoitzako bisita-erregimenak itxita jarraitzen du eta osasun-agintariek kasu hauetarako protokoloak agindutako isolamendu-neurriak mantentzen dira.
