Beasaingo Udalak, administrazio Orokorreko Administrari bi lanpostu hornitzeko lehiaketa-oposizio librea egingo du. 

Udal honetako funtzionarioren plantillan hutsik dauden eta 2017. urteko lan-eskaintza publikoan sartutako Administrazio orokorreko bi Administrari lanpostu hornitzeko lehiaketa oposizio irekiko deialdia egin da.

Eskaerak aurkezteko epea, uztailaren 12tik abuztuaren 1era, biak barne, egongo da irekita.

Oinarriak: https://ssl4.gipuzkoa.net/castell/bog/2017/06/21/c1704396.pdf

Eskaera orria

Beasaingo Udalak informatika Teknikarien kategoriko lan poltsa osatzeko lehiaketa-oposizioa egingo du. Hori dela eta, eskaerak aurkezteko epea uztailaren 12tik 26ra, biak barne, egongo da zabalik. 

Oinarriak: https://ssl4.gipuzkoa.net/castell/bog/2017/07/11/c1704950.pdf

document Eskaera orria (734 KB)

Udal kiroldegiko zerbitzuen erabilpenarengatiko tarifen arloan laguntzak eskatzeko aukera egongo da urriaren 1etik 31ra. Udal kiroldegian 2017ko udako abonuaren edo ekainetik irailera bitarteko kuoten zenbatekoak hartuko dira kontutan.

Elkarbizitza unitatearen diru-sarrerak ere kontutan hartuko dira.

Informazio gehiago Beasaingo Udaleko ongizate zerbitzuan

943 02 80 75

Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.

Gaur goizean Beasaingo kiroldegiko kanpoko igerileku ertaineko uraren isurketaren gainean honako argibideak eman nahi ditu Beasaingo Udalak.

Goizeko lehen orduan, igerilekuetako mantenuaren ardura duen langilea uraren parametroak aztertzean ohartu da udako igerileku ertainak kloroaren maila altua zela (ia 10 ppm). Arrazoia aztertu ondoren, gauean dosifikagailua matxuratu eta kloro gehiegi isuri dela igerileku honetan ikusi du.

 Auto-babes plana jarraituz ura berritzeari ekin dio, igerilekuaren zati bat hustu eta sareko ura sartuz. Guztira 30m3 isuri dira 07.00etatik 7:40ra.

Bestalde, goizean zehar herritar batzuk Udaletxera deitu dute esanez Igartzako jauregiko zubiaren inguruan zenbait arrain hilik agertu direla eta usain txarra zegoela. Hori horrela, Aldundiko teknikari bat kiroldegira etorri da eta gertatutakoa aztertu du. Honekin batera Ur agentziako bi ikuskatzaile ere kiroldegira etorri dira gaia aztertzera.   

Udalak, ikerketa sakonagoek ziurtatzen ez duten artean, ezin dezake ondorioztatu errekan gertatutakoa igerilekuko urak eragin duenik soilik. Diputazioko teknikoaren hitzetan, beroak, errekan ur gutxi egoteak eta isuritako igerilekuko urak kloro altua izateak eragina izan dezakete.  

Amaitzeko, esan Kirolaren Udal Fundazioak helburu duela herriko kirol instalazioen jarduerak ingurugiroan duen eragina murriztea. Konpromiso hau tinkoa izanik, igerilekuetako instalazioen funtzionamenduaren parte diren prozesuak etengabe aztertu eta optimizatzeko konpromisoa hartzen du.

Udaltzain plaza hornitzeko oposizio-lehiaketa. Onartuen eta baztertuen behin betiko zerrenda, epaimahaia eta lehenengo azterketa egiteko data 2017/07/03ko GAOn argitaratu da, Udaltzain plaza hornitzeko oposizio-lehiaketaren inguruan, onartuen eta baztertuen behin betiko zerrenda, Epaimahaiaren osaketa eta lehenengo azterketa egiteko data. Lehenengo azterketa teorikoa izango da eta datorren irailaren 7an, goizeko 9:30etan Beasaingo Antzizar Kiroldegian izango da. Izangaiek Nortasun Agiria eraman beharko dute. Hona hemen iragarkiaren lotura:

https://ssl4.gipuzkoa.net/castell/bog/2017/07/03/c1704675.pdf